PAROLE E POETI

http://www.pirandelloweb.com/shakespeareweb/temi/eduardo.jpg

'a... b... c... d...

 

Nu fugliett' 'e quaderno aggiu truvato

ncopp' a nu marciapiede. Pè capì

che steva scritto me l'aggiu pigliato.

Lettere grosse e storte: A... B... C... D...

 

Mille quaderne, mille guagliuncielle:

scriven' eguale, 'o stesso, a chell'età.

Però quanno se fanno grussicielle,

stu carattere eguale chi t' 'o dà?

 

Nun capisco, se guastano p' 'a via,

nun trovano cchiù pace... ma pecché?

Stùriano pè cagnà calligrafia

e ognuno scrive cumme vò parè.

 

Ce hanno criato ' na manera sola,

chi cagne è pè superbia,

t'ho dich'j'...

'E guaglinucielle, quanno vann'a scola,

scriveno tutte eguale: A... B... C... D...

 

1930

 

[guagliuncelle: ragazzetti; chi t' 'o dà: dove lo trovi; stùriano: studiano, si danno da fare; cagnà: cambiare; paré: sembrare]